“C’ERA NA VOTA UN PAISI URGUGLIUSU” (Poesia di Franco Brancato)

ROCCALUMERA (Messina) – Ecco una poesia che racconta il bello di un paese (Roccalumera), come era nei più fulgidi ricordi di un bimbo che fu. Il poeta si ricorda Quando “i paisani ieranu urghugghiusi” e, raccontando momenti magici di un tempo fra danze e balli in piazza. Poi, guardando ad una quotidianità che non lo soddisfa, ripercorre un lungomare dove ora: “Fossa buca pittusa nnavi nu miliuni”. Alla fine, credete che si scoraggerà? Leggete di seguito la poesia che recita…

26 Luglio 2013

Nta stu paisi c’ era nu beddu lungomari
Riccu di palmi, bruca e lantrari
L’ asfaltu era lisciu, rittu comu nu rasolu
A ogni centu metri c’ era na banchina nu bisolu.

D’ iddu i paisani ieranu urghugghiusi
Puru quannu i vineddi vinianu nchiusi
A sira i stati paria Taummina
Cu turisti e furisteri d’ogni cittadina
C’eranu festi e balli a ogni ghiazza.

Ora inveci sunnu chini di munnizza
Fossa buca pittusa nnavi nu miliuni
Ca mi pari sparatu i nu cannuni

Pi ttravessari i notti i latu a latu
Ta raccumannari l’anima a s. Giovanni dicullatu
Nuddu ca si femma nudda pricidenza
E nu veru schifu ié n’ indicenza.

Di stu novu guvernu semu fiduciusi
Di livarini na decina i puttusi
Di stu sinnacu avemu na spiranza
Chi cu picca soddi e assai ntiligenza
Di fari tunnari o nostru lungomari
Comu u mussu pitturatu i na cummari.

Franco Brancato